Irun trinkete tradizio handiko hiria izan da beti eta, ez dago dudarik, mugan egoteak euskal pilota modalitate hau bultzatzeko orduan benetako aitzindari bihurtu duela; hau baiezta daiteke 1846an trinkete bat zegoela adierazten duten datuekin.

Gaur egun Irunen hiru trinkete daude, beste laugarren bat martxan dagoelarik eta trinkete jokalari kopuru handia dago, batez ere gomazko paletan. Antolaketa mailan oso aktibitate eskasa, batere ez esateagatik, zegoela ikusirik euskal pilota modalitate eder honen jarraitzaile talde batek, Josetxo Iraundegui buru, Ramuntxo Trinkete Club sortzea erabaki zuen.

Horrela, 1995ko irailaren 11n, notario baten aurrean entitate berri hau osatu zen. Ramuntxo Trinketea, gerra zibilaren ondoren desagertutako kantxa mitikoaren omenaldiz hartu zuen izen hori.

Bere xede nagusia trinketea bere espezialitate guztietan bultzatu, sustatu eta hedatzea da.